jump to navigation

លំហាត់​សិស្ស​ខ្សោយ ខែ​មេសា 30, 2009

Posted by Fidele in គណិតវិទ្យា.
5 comments

ខាង​ក្រោម​នេះ​គឺ​ជា​លំហាត់​សិស្ស​ពូកែ​គណិតវិទ្យា​ថ្នាក់​ទី១២៖

គេ​មាន​ត្រីកោណ ABC មួយ​កែង​ត្រង់ CD គឺជា​ចំណុច​មួយ​នៅ​លើ​ [AB] ដែល AC=AD។ សន្មត AC=1 និង \widehat{A}=xE ជា​ចំណុច​មួយ​នៅ​លើ [BC] ដែល \widehat{CDE}=xF ជា​ចំណុច​មួយ​នៅ​លើ [AB] ដែល​ទម្លាក់​ចំណោល​កែង​លើ [BC] ត្រង់ E ។ រក \displaystyle \lim_{x \to 0} EF

តើ​អ្នក​ទាំង​អស់​គ្នា​អាច​រក​ឃើញ​ទេ? ខ្ញុំ​រក​មិន​ចេញ​សោះ រក​ទៅ​នៅ​តែ​ជាប់​អង្កត់ ជួយ​ប្រាប់​គន្លឹះ​បន្តិច​ផង។ :mrgreen:

Advertisements

កំនែ​វិញ្ញាសា​សិស្សពូកែភ្នំពេញ​២០០៩(១.៥) ខែ​មេសា 29, 2009

Posted by វិចិត្រ in គណិតវិទ្យា.
3 comments

គេ​អោយ​ចំនួន​ពិត u_1; u_2; u_3; .. បំពេញ​ទំនាក់​ទំនង៖

u_{n+1}=\displaystyle \frac{u_n^2-u_{n-1}+2u_n}{u_{n-1}+1}

u_1=1; u_9=7

ចូរ​គណនា u_5

ចំលើយ
(ច្រើន​ទៀត…)

កំនែ​វិញ្ញាសា​សិស្សពូកែភ្នំពេញ​២០០៩(១.៤) ខែ​មេសា 29, 2009

Posted by វិចិត្រ in គណិតវិទ្យា.
1 comment so far

ចូរ​ស្រាយ​បញ្ជាក់​ថា​សមីការ x^5+x=2009 មាន​រឺស​តែ​មួយ​គត់ ហើយ​រឺស​នោះ​ជា​ចំនួន​អសនិទាន។ ដោយ​ដឹង​ថា 4,5^5 \approx 1845; 4,6^5 \approx 2059;

ចំលើយ
(ច្រើន​ទៀត…)

កំនែ​វិញ្ញាសា​សិស្សពូកែភ្នំពេញ​២០០៩(២.៣) ខែ​មេសា 29, 2009

Posted by វិចិត្រ in គណិតវិទ្យា.
1 comment so far

ដោះស្រាយ​សមីការ

2007^{\sin^2x}+2007^{\cos^2x}=2009+\cos 2y

ចំលើយ
(ច្រើន​ទៀត…)

Mandelbrot set ខែ​មេសា 27, 2009

Posted by វិចិត្រ in គណិតវិទ្យា.
2 comments

ចូរ​ពិនិត្យ​រូប​ខាង​ក្រោម​នេះ

តើ​ដឹង​ទេ រូប​នេះ​ខ្ញុំ​បង្កើត​ចេញ​មក​ពី​សមីការ​គណិត​សមញ្ញ​មួយ​ប៉ុណ្ណោះ។ ចំនុច​និមួយៗ​នៃ​រូប​នេះ ខ្ញុំ​ផាត់​ពណ៌វា ទៅ​តាម​របៀប​មួយ​ដែល​វា​ជា​ធាតុ​របស់​សំណុំ Mandelbrot រឺ​អត់។ ចំនុច​មួយ​មាន​កូអរដោនេ (x,y) ជា​ធាតុ របស់​សំណុំ​Mandelbrot បើ​ស្វ៊ីត

z_{n+1}=z_n^d+c

ជា​ស្វ៊ីត​ទាល់ ដែល c=x+iy និង i ជា​ចំនួន​កុំផ្លិច។
ក្នុង​រូប​ខាង​លើ ខ្ញុំ​យក d=2 និង ពិនិត្យ​រូបភាព​នៅចន្លោះ x=[ -2,0;1,0]; y=[ -1,5;1,5 ]។ បើ​ខ្ញុំ​ពង្រីក​តំបន់​គល់​កន្ទុយ​របស់​រូប​ខាង​លើ​វិញ (នៅចន្លោះ x=[ -1,0;-0,5 ]; y=[ 0,0;0,5])​ខ្ញុំ​ទទួល​បាន​រូប​ខាង​ក្រោម៖

ហើយ​បើ​ខ្ញុំ​ពង្រីក​បន្ត​ទៀត ៖

រូប​ខាង​លើ​ខ្ញុំ​ប្រើ​ប្រូក្រាម Matlab ដែល​មាន​កូដ​ដូច​ខាងក្រោម៖

width=640;
height=480;
xs=-0.9609;
xe=-0.8828;
ys=0.2292;
ye=0.3073;
ITER=100;
xstep=(xe-xs)/width;
ystep=(ye-ys)/height;
y=ys;
x=xs;
C=zeros(height,width);
for ii=1:height,
    for jj=1:width,
        z=0;
        zi=0;
        inset=1;
        for k=0:ITER,
            newz=z^2-zi^2+x;
            newzi=2*(z)*zi+y;
            z=newz;
            zi=newzi;
            if (z^2+zi^2)>4
                inset=0;
                colour=k;
                k=ITER;
            end
            if (inset==1)
                C(ii,jj)=(z^2+zi^2)/4*128;

            else
                C(ii,jj)=colour/ITER*128;
            end
        end
        x=x+xstep;
    end
    y=y+ystep;
    x=xs;
end
image(C)
axis square

** បើ​ចង់​ស្រាវ​ជ្រាវ​បន្ថែម សូម​ស្វែង​រក​តាម​រយៈ​ពាក្យ​គន្លឹះ Mandelbrot set, Julia set, Fractal.

កម្មវិធីយុវជនឆ្នើម ជំនាន់​ទី​៥ ខែ​មេសា 22, 2009

Posted by ពិសិដ្ឋ in ដំណឺង.
Tags: ,
7 comments
សាំង តារារស្មី

សាំង តារារស្មី

កម្ម​វិធី​យុវជន​ឆ្នើម គឺ​ជា​កម្មវធី​មួយ​ ដែល​ផលិត​ឡើង​ដោយ​បណ្ដាញ​ទូរទស្សន៍​កម្ពុជា ស៊ី ធី អិន ក្នុង​គោល​បំណង​ ឲ្យ​យុវជន​មក​ពី​គ្រប់​បណ្ដា​ខេត្ត​ ក្នុង​ព្រះ​រាជាណាចក្រ ប្រកួត​ប្រជែង​គ្នា​ដើម្បី​ក្លាយ​ជា​ជ័យលាភី ធ្វើ​ដំណើរ​ទស្សនកិច្ច​ទៅ​កាន់ សហរដ្ឋអាមេរិក​។ កម្មវិធី​យុវ​ជនឆ្នើម​ បាន​ធ្វើ​ឡើង​ចំនួន​៤​ឆ្នាំ​មកហើយ ហើយ​ឆ្នាំ​នេះ គឺ​ជា​ជំនាន់​ទី​៥​។ ជំនាន់​គណិត​វិទ្យា​នៃ​កម្ពុជា ពិត​ជា​មាន​កិត្តិ​យសណាស់​ ដែល​លោក សាំង​ តារារស្មី ដែល​​ជា​អ្នក​ផ្ដួច​ផ្ដើម​គំនិត បង្កើត​ជំនាន់​គណិតវិទ្យា​នៃ​កម្ពុជា បាន​ជាប់​កម្ម​វិធី​នេះ ក្នុង​វគ្គជម្រុះ​១៦នាក់​។ សាំង​ តារារស្មី​ ធ្លាប់​ជា​សិស្ស​ពូកែ​ផ្នែក​គណិត​វិទ្យា​ទូទាំង​ប្រទេស​ ធ្លាប់​បាន​​ធ្វើ​ដំណើរ​ទស្សនកិច្ច​នៅ​ប្រទេស សឹង្ហបុរី និង​ធ្លាប់​បាន​ចូល​ប្រឡង​​គណិត​វិទ្យា​អូឡាំព្យាដ លើក​ទី​៤៩ នៅ​ប្រទេស​អេស្ប៉ាញ ក្នុង​ឆ្នាំ២០០៨​ ផង​ដែរ​។

ឈ្មោះ​បេក្ខជន ដែល​បាន​ជាប់​ក្នុង​វគ្គជម្រុះ​១៦នាក់​ដំបូង រួម​មាន៖

  1. គង់ សូរីតា មក​ពីក្រុង​ភ្នំពេញ
  2. គីម សុធាថងឌី មក​ពី​ក្រុង​ភ្នំពេញ (ធ្លាប់​ជា​តួ​អង្គ “កញ្ញា” ក្នុង​ រឿង​រសជាតិជីវិត)
  3. ឃឿន វណ្ណេត មក​ពី​ខេត្ត​កណ្ដាល
  4. ឆែម ពេ មក​ពី​ខេត្ត​សៀមរាប
  5. ឈ ឃុន​វឌ្ឍនា មក​ពី​ក្រុង​ភ្នំពេញ
  6. ថេ សុខា មក​ពី​ក្រុង​ភ្នំពេញ
  7. ទេព សុគន្ធវណ្ណារី មក​ពី​ក្រុងភ្នំពេញ
  8. នៅ សករាជ រស់​នៅ​ក្រុង​ភ្នំពេញ (មក​ពី​ខេត្ត​បន្ទាយ​មានជ័យ​)
  9. ប៉ែន សាស្ដា មក​ពី​ក្រុង​ភ្នំពេញ
  10. ប៊ុត កុសល មក​ពី​ខេត្ត​ស្វាយរៀង
  11. រ័ត្ន និមល មក​ពី​ក្រុង​ភ្នំពេញ
  12. សន ចន្ថា មក​ពីក្រុង​ភ្នំពេញ
  13. សាយ៉ា មូល្លិកា មក​ពី​ក្រុង​ភ្នំពេញ
  14. សាំង តារារស្មី មក​ពី​ក្រុង​ភ្នំពេញ
  15. ហឿង ហ៊ីង មក​ពី​ខេត្ត​សៀមរាប
  16. អួង បូរិន មក​ពី​ក្រុង​ភ្នំពេញ (រស់​នៅ​ក្នុង​វត្ត​ឧណ្ណាលោម) ។

ខ្ញុំ​សូម​បញ្ជាក់​ផងដែរ ប្រសិន​បើ​លោក​អ្នក​ចង់​ទស្សនា ពី​ដំណើរ​ការ​នៃ​ការ​ប្រកួត​ប្រជែង​យុវជន​ឆ្នើម លោក​អ្នក​អាច​ទស្សនា​បាន​តាម​កាល​វិភាគដូច​ខាង​ក្រោម​៖

  • ស្ថានីយ​ទូរទស្សន៍ស៊ី ធី អិន ថ្ងៃ​ពុធ ម៉ោង ៥.៤៥ ដល់ម៉ោង ៦.៤៥ ល្ងាច
  • ស្ថានីយទូរទស្សន៍​ស៊ី ធី អិន ថ្ងៃ​សៅរ៍ ម៉ោង ៧.០០ ដល់​ម៉ោង ៨.០០ ព្រឹក
  • ស្ថានីយ​ទូរទស្សន៍​ម៉ាយធីវី ថ្ងៃអាទិត្យ ម៉ោង ១០.០០ ដល់​ម៉ោង ១១.០០ ព្រឹក ៕

Common Combination Identity that one should know ខែ​មេសា 22, 2009

Posted by psvjupiter in Uncategorized.
add a comment

dsc01162

ចំលើយលំហាត់ ខែ​មេសា 21, 2009

Posted by psvjupiter in គណិតវិទ្យា, អូឡាំព្យាដ.
14 comments

ខាងក្រោមនេះជាសំរាយលំហាត់ខ្ញុំថ្ងៃមុន ខ្ញុំទើបតែមានពេលទំនេរទើបផូសយូរបន្តិច។

dsc011591dsc01160dsc011611

ចំពោះលំហាត់ទី៣​ ខ្ញុំគិតចេញហើយបុន្តែ ខ្ញុំប្រើស្វ័យគុណចំនុចនិងទ្រឹស្តីបទស៊ីនុសក្នុងត្រីកោន ខ្ញុំគិតថាប្រហែលជាមានការលំបាកសំរាប់អ្នកទាំងអស់គ្នា ក្នុងការយល់សំរាយខ្ញុំក៏សំរេចចិត្តមិនដាក់នៅលើប្រកាស
ប្រហែលលោកគ្រូវិចិត្រ​មានរបៀបងាយជាងខ្ញុំ។ សង្ឈឹមលោកគ្រូបញ្ចេញថ្វៃដៃម្តង។ 😀

សមីការ​អញ្ញត្តិ​ពីរ ខែ​មេសា 21, 2009

Posted by Fidele in គណិតវិទ្យា.
5 comments

ចូរ​ដោះ​ស្រាយ​សមីការ​ខាង​ក្រោម ដែល​ x; y ជា​ចំនួន​គត់វិជ្ជមានមាន​លេខ​ពីរ​ខ្ទង់៖

100x+y=(x+y)^2

ស្វាគមន៍​សមាជិក​ថ្មី ខែ​មេសា 20, 2009

Posted by ពិសិដ្ឋ in ដំណឺង.
9 comments

ពេល​នេះ ជំនាន់គណិតវិទ្យា​នៃ​កម្ពុជា មាន​កិត្តិយស​សូម​ស្វាគមន៍​ នូវ​សមាជិក​ថ្មី​មួយ​រូប​។ គាត់​មាន​ឈ្មោះ​ថា សេរីបុត្រ សព្វ​ថ្ងៃ​ជា​និស្សិត​ឆ្នាំ​ទីមួយផ្នែក​ខាង ប្រព័ន្ទ​គ្រប់​គ្រង​ព័ត៌មាន នៃ​វិទ្យាល័យ​Setec។

ត​ទៅ​មុខ​ទៀត​សង្ឃឹម​ថា សេរីបុត្រ នឹង​នាំ​មក​នូវ​ចំណេះ​ដឹង​ ក៏​ដូច​ជា​បទ​ពិសោធន៍​ល្អៗ មក​ជូន​សមាជិក​ និង​អ្នក​ទស្សនា​នៅ​ទីនេះ​។ គួរ​កត់​សម្គាល់​ផង​ដែរ​ថា បង​ប្អូន​សិស្ស​និស្សិត​ ទាំង​អស់ ក៏​អាច​ក្លាយ​ជា​សមាជិកមួយ​រូប​នៃ ជំនាន់​គណិតវិទ្យានៃ​កម្ពុជា​ផងដែរ ដោយ​គ្រាន់​តែ​ទាក់​ទង​មក​យើង​ខ្ញុំ​ នៅ​ទីនេះ​។